Kom sit, dat ek jou van my lewe vertel
Anné Pretorius
hier waar ek aan my lewe tot nou herkou
wonder oor jou en hoe jou lewe sal ontvou
aanmekaar verbind, onlosmaaklik van my is jy, my kind
ek los my storie by jou, mag dit mettertyd sy waarde behou
Na my ma se skielike dood is haar lewensverhaal, wat sy destyds vir my opgeskryf het, vandag my kosbaarste erfstuk van haar. Sy het herinneringe uit haar lewe en van my en haar verhouding met my gedeel wat ek seker is ek andersins nooit sou weet nie. Met hierdie boeke wil ek vir almal dit maklik maak om te onthou en te skryf, want ek glo dat dit vir ander van net soveel waarde kan wees as wat dit vir my is.
Die verskillende boeke bestaan uit hoofstukke wat elk begin met ʼn unieke, gepaste kunswerk en gedig wat jou op ʼn reis neem deur jou eie lewe asook inspirasieprikkels (prompts). Die doel is om leiding te gee, sonder om voorskriftelik te wees.
Elke boek is keurig saamgestel, duursaam en inspirerend en is beslis ʼn kunswerk wat ʼn erfstuk sal word. Dit sal die uitdagende proses om jou lewensverhaal te skryf vergemaklik.
