Kom sit, dat ek jou van my lewe vertel
Anné Pretorius
hier waar ek aan my lewe tot nou herkou
wonder oor jou en hoe jou lewe sal ontvou
aanmekaar verbind, onlosmaaklik van my is jy, my kind
ek los my storie by jou, mag dit mettertyd sy waarde behou
gevorm en geskaaf tot rondgeleef en sag
in my skoot is jy verweef, uit my slape begeef
saad gesaai en opgegroei
tot my dankbaar trots, lankverwag
Na my ma se skielike dood is haar lewensverhaal, wat sy destyds vir my opgeskryf het, vandag my kosbaarste erfstuk van haar. Sy het herinneringe uit haar lewe en van my en haar verhouding met my gedeel wat ek seker is ek andersins nooit sou weet nie. Met Memoires van jou moeder wil ek vir ander ma’s dit maklik maak om te onthou en te skryf, want ek glo dat dit vir ander van net soveel waarde kan wees as wat dit vir my is.
Die boek bestaan uit agt hoofstukke wat elk begin met ʼn unieke, gepaste kunswerk en gedig wat jou op ʼn reis neem deur jou eie lewe asook inspirasieprikkels (prompts). Die doel is om die ma leiding te gee, sonder om voorskriftelik te wees.
Memoires van jou moeder is keurig saamgestel, duursaam en inspirerend en is beslis ʼn kunswerk wat ʼn erfstuk sal word. Dit sal die uitdagende proses om jou lewensverhaal te skryf vergemaklik.